9.उपकार संकटांचे
जरी मारिले मारिले संकटांनी
खरे सांगतो तारिले संकटांनी
तिमिरात जेव्हा दिशा लुप्त झाल्या
तेंव्हा मला शोधिले संकटांनी
हे दारिद्रय मी ज्यात ओलीस होतो
पैशात मज तोलिले संकटांनी
बहू भाग्य माझे अती सोसले मी
मला पोसले पोसिले संकटांनी
किती फाटली फाटली कातडी ही
परि आतडे राखिले संकटांनी
उडाया मिळाले हे आकाश सारे
की आधारही कापिले संकटांनी
जसे बाण आले उरी खोचले मी
रुधीरास या रोधिले संकटांनी
व्यथा वेदनांची चव्हाट्यात व्याली
तया झाकिले झाकिले संकटांनी
कोणत्याही टिप्पण्या नाहीत:
टिप्पणी पोस्ट करा