2.सावळवेळ
मंद लाटावरी झिंगलं चांदणं
साचलं संथ ताऱ्यासवे
धुंद घाटावरी त्या नदीच्या तीरी
नाचलं मन वाऱ्यासवे
तो लपला द्वाड, ढगांच्या आड
चंद्रमा पुनवेचा,भारी लबाड
त्या प्रीती इशाऱ्यांसवे
धुंद घाटावरी त्या नदीच्या तीरी....
ती मल्हार तान व्याकूळ रान
पल्याड पुष्करणीची कमान
जी फुलली पिसाऱ्यासवे
धुंद घाटावरी त्या नदीच्या तीरी....
ती सावळवेळ,पानांचा खेळ
पांदण वाटेत मनांचा मेळ
दव भिजलं पाऱ्यासवे
धुंद घाटावरी त्या नदीच्या तीरी....
कोणत्याही टिप्पण्या नाहीत:
टिप्पणी पोस्ट करा